UPCAT…

grabe, maganda ang film na ‘to.  medyo “morbid” lang yung mga links pero ganda ng twists ng kwento.  well, tungkol ito sa isang binatilyo na may simpleng pangarap: ang makapasa sa UPCAT.  ngunit maraming balakid ang nakatakda niyang harapin sa pagtupad ng kanyang mga pangarap.  sabi nga nila, libre lang ang mangarap.  sabi naman sa kwento, hindi libre ang mangarap.  sabi ko naman, libre ang mangarap, ang pagtupad ng pangarap ang may kapalit.  nasa sa’yo yun kung ano ang ipagpapalit mo at kung gaano kahalaga ang pagtupad ng pangarap mo.  inspiring ang kwento, bigla kong naalala ang mga struggle ko before UPCAT (pero may struggle pa rin ako ngayong nakapasa ako).  medyo may lovestory ang pelikulang ito, which makes the story a little romantic pero related pa rin sa UPCAT.  andiyan din ang family pressures about going into college.  at siyempre, ang “transition” stage from high school to college.  may eksena kasi na hindi makapagdesisyon yung bida kung anong course ang kukunin niya sa pagpasok sa UP.  as in parang scratch paper yung application form niya sa dami ng erasures.  naalala ko nun nung hindi ako makapagdecide sa mga courses na kukunin ko.  feeling ko talaga swerte ang lapis na ginamit ko, haha.  galing din sa kwento, nagsimula ang kanilang simpleng pangarap dahil sa lapis.  tama nga naman yung representation nila.  at siyempre, shading of circles.  nakakatuwa yung isang eksena dahil nag-concentrate ang first review sessions nila sa pag-shade lang ng circles.  naisip ko, oo nga naman, time wasting ang shading kaya nagsasanay sila sa mabilisang pag shade, may sense naman kahit papaano, haha.  maganda talaga ang pelikula.  kaya kung gusto niyong manood, ipapalabas ulit siya sa UP Film Institute sa darating na February 24, 2009, 5-7PM (yan lang yung schedule).